Mancomunidad de Malerreka

Ate irekien jardunaldia egingo da edateko uren Iturengo araztegian, Klima Aldaketaren Nazioarteko Eguna dela eta

Malerrekako Mankomunitateak urriaren 24an egingo du ate irekien jardunaldia Iturengo edateko uren araztegian, Klima Aldaketaren Nazioarteko Eguna ospatzeko

Bi bisita-txanda antolatu dira, 10:00etan eta 12:00etan, eta bertan herritarrek aukera izango dute uraren arazketa eta banaketa prozesua lehen eskutik ezagutzeko; funtsezko zerbitzua da gure eguneroko bizitzan eta eskualdearen jasangarritasunean.

Ekimen honen helburua da herritarrei instalazioen funtzionamendua gerturatzea, gardentasuna eta ingurumen kontzientziazioa sustatzea, eta baliabide hidrikoen erabilera arduratsuaren garrantzia azpimarratzea, klima larrialdiaren testuinguruan.

Jarduera doakoa da, baina plaza mugatuak dira. Parte hartu ahal izateko, aldez aurretik izena eman beharko da Malerrekako Mankomunitatera (948 451 746) deituta.

Mankomunitateak herritar guztiak gonbidatzen ditu aukera hau aprobetxatzera, euren etxeetara iristen den uraren kalitatea nola bermatzen den gertutik ezagutzeko eta gure ingurunea zaintzearen garrantziaz hausnartzeko.