30/09/2021
Solaslaguna, euskara praktikatzeko taldeak: izena emateko epea zabalik
Euskara praktikatzeko talde hauetan euskaraz solas egiteko ohiturarik ez duten lagunak elkartzen dira ohitura badutenekin, eta erabilera handitzeko helburua dute.
Euskara praktikatzeko talde hauetan euskaraz solas egiteko ohiturarik ez duten lagunak elkartzen dira ohitura badutenekin, eta erabilera handitzeko helburua dute.
Funtzionamendua sinplea da, baina oso eraginkorra. Hauek dira ezaugarri nagusiak:
- Euskaraz hitz egiteko talde txikiak osatzen dira, 4 edo 5 pertsonakoak.
- Talde bakoitzean, gutxienez, euskaraz hitz egiteko ohitura duen hiztun batek parte hartzen du eta gainerakoak haien mintzamena hobetu nahi duten pertsonak dira.
- Taldeak astean behin elkartzen dira, gutxienez ordu batez. Denbora-tarte horretan talde bakoitzak erabakitzen du zer egin nahi duen, kafe bat hartu, paseatu, kirola egin…
- Mintzapraktika talde hauek ez dira klaseak eta euskaraz hitz egiteko ohitura duen pertsonak ez du irakasle gisara aritu beharrik.
- Ikasturtean zenbait saio osagarri antolatzen da eta talde guztietako pertsonek parte har dezakete. Mendi ibilaldiak, bisitaldi gidatuak eta antzekoak antolatzen dira normalean.
Informazio gehiago:
- 📩 solaslaguna@topagunea.eus
- 📞 610920673