Irailaren 1etik 30era aurkeztu beharko dute dokumentazioa 2024-25 ikasturtean zehar euskara ikasten aritu diren Malerrekako herritarrek. Matrikula gastuak diruz lagunduko dira, eta laguntzaren zenbatekoa gehienez ere 460 eurokoa izanen da.
Argitalpenak Malerrekako, Baztango eta Bortzirietako hizkuntza errealitatearen berri ematen duen azalpen labur bat dakar euskaraz, gazteleraz, frantsesez, katalanez eta ingelesez.
Nafarroako euskara zerbitzuek euskarazko udaleku eskaintza ezberdinen bilduma egin dute, urtero bezala, familiek informazioa eta izen ematea ahalik eta errazen bilatu ahal izan dezaten. Aukera zabala dago, eta adin tarteak, prezioak, datak eta abar zehazten dira. Informazio guztia beheitiko ERA webgunearen estekan ikusten ahal da: Euskarazko udaleku eskaintza
Hondakinen sorreraren prebentzioa ahaztu gabe, Malerrekako Mankomunitateak ontzi arinen kudeaketa hobetzen jarraitu nahi du, bide horretan urrats berriak emanez. Mankomunitatearen helburu nagusietako bat hondakinen sorrera murriztea da eta, aldi berean, sortutako hondakinen kudeaketa etengabe hobetzea. Ildo horretan, 2024. urtean Mankomunitateak 30.000 euro baino gehiago inbertitu zituen kanpaina ezberdinak garatzeko. Nafarroako Gobernuak 2024. urteko Hondakinen […]
Malerrekako Mankomunitateko Euskara Batzordeak aho batez erabaki zuen Euskaraldian parte hartzea entitate gisa. Euskaraldia euskararen erabilera handitzeko asmoa duen ariketa soziala da, eta maiatzaren 15etik 25era eginen da. Mankomunitateak euskararen erabilera handitzeko ekarpena egin nahi duenez, ekimenarekin bat egiteko konpromisoa hartu du, eta eskualdeko herritarrei proposatu nahi die Euskaraldian parte hartzeko Ahobizi edo Belarriprest gisa. […]
Apirilaren 11n eta 12an, Malerrekan topaketa solidario bat ospatuko da, bularreko minbizi metastasikoaren ikerketarako dirua biltzea helburu nagusitzat duena.
Malerrekako Mankomunitateak Doneztebeko garbigunearen ordutegia handitzea erabaki du, zerbitzuak izan duen arrakasta eta herritarren eskakizunak kontuan hartuta. Horrela, martxoaren 3tik aurrera, ordutegi berria honakoa izango da: Astelehenetan: 9:30 – 13:30 eta 15:30 – 18:30 Asteazkenetan: 9:30 – 13:30 eta 15:30 – 18:30 Ostegunetan: 15:30 – 18:30 Garbigune hau funtsezkoa da eskala txikiko eta kudeaketa […]
Malerrekako Mankomunitateak emakume eta gizonen berdintasunaren aldeko lau konpromiso eta 16 ekintza onartu ditu. Aipatutako konpromiso sorta berdintasunari buruzko bigarren diagnostikoak identifikatutako emaitzetatik eratorri da.
